Nisaka na ngadto sa tulo ang ihap sa nangamatay tungod sa Bagyong Kajiki niadtong Martes samtang ang mga rescue team sa tibuok Vietnam nakigbugno sa nangatumba nga mga linya sa kuryente, ug grabeng pagbaha sa kaulohan ug sentral nga mga probinsiya.
Ang Kajiki mihapak sa sentro sa Vietnam niadtong Lunes nga adunay kusog nga hangin nga moabot ngadto sa 130 km/h (80 mph), nangalangkat ang mga atop sa liboan ka mga balay ug nawad-an sa kuryente ngadto sa kapin sa 1.6 ka milyon nga mga residente.
Kagahapon Martes, gikumpirma sa mga awtoridad ang tulo nga namatay ug labing menos 13 ang nasamdan nga adunay kalabotan sa bagyo.
Gipasidan-an usab sa mga opisyal ang nagkataas nga risgo sa kalit nga pagbaha ug pagdahili sa yuta sa labing menos walo ka mga probinsya, samtang nagpadayon ang pagbunok sa ulan gikan sa bagyo sa rehiyon.
Sa sentro nga siyudad sa Vinh, ang mga tigbalita sa AFP nakasaksi sa mga sundalo ug mga emergency responder nga naggamit sa mga chainsaw ug mga galamiton sa pagputol aron paghawan sa mga nangatumba nga mga kahoy ug puthaw nga atop nga nagkatag sa kadalanan.
Photo courtesy to:Time Magazine
