Gikonsiderar ni Presidente Ferdinand R. Marcos Jr. ang paghatag og bag-ong posisyon kang outgoing Philippine National Police o PNP Chief Gen. Nicolas Torre III, kini human siya gitangtang sa iyang katungdanan isip PNP chief.
Kini ang gikumpirma ni Department of the Interior and Local Government (DILG) Secretary Jonvic Remulla. Dugang pa niini nga, masaligon gihapon si Presidente Marcos sa abilidad ug kahanas ni Torre sa serbisyo.
Hinuon, wala pa’y gihatag nga detalye ang Palasyo kalabot sa kung unsang posisyon ang mahimong ibalhin o i-assign ni Torre. Hangtod karon, tak-om pa ang Malacañang sa tinuod nga rason sa kalit nga pagtaktak ni Torre sa pagka hepe sa PNP.
Photo Courtesy to: BusinessWorld Online
