Nagpadayag sa iyang pagpasalamat si Department of Social Welfare and Development (DSWD) Secretary Rex Gatchalian sa 22 ka ospital, pharmaceutical firms, medical suppliers, ug uban pang mga distributors nga misalmot sa usa ka kolaborasyon uban sa ahensya.
Kini aron hatagan og dalan ang pagpalig-on sa paggamit sa guarantee letters nga magamit sa publiko isip suporta sa ilang mga kinahanglanon nga medical assistance.
Sumala sa kalihim, pinaagi sa maong kolaborasyon, mapadayon ang paghatag og tabang sa mga bulnerableng sektor sa katilingban aron ilang makaya ug malabang ang mga krisis nga ilang giatubang.
Ubos sa maong partnership, magamit ang mga guarantee letters aron maka-access sa medical care ang mga kabus nga sektor sa katilingban, nga ang gastohan niini bayran sa gobyerno.
Tumong sa inisyatiba nga mahatagan og mas sayon ug mas paspas nga access sa medical nga panginahanglan ang publiko, ilabina kadtong naapektohan sa mga grabing krisis sa nasod.
Samtang, gisiguro usab sa DSWD nga aron mas epektibo ang implementasyon niini, ipailawom na usab sa automation ang Assistance to Individuals in Crisis Situations (AICS) diin magamit na kini sa billing process sa mga ospital.
Photo courtesy of pna.gov.ph
