Malipayong gisaysay sa publiko ni Pinay Olympic gold medalist Hidilyn Diaz ang iyang pagtapos sa Project Management. Sa iyang social media account, iyang gipahibalo ang iyang graduation sa Benilde SPACE Continuing Education diin nakadawat siya og diploma sa Project Management.
Gidugang pa niya nga iyang gipaningkamotan ang maong kurso aron andamon ang iyang kaugalingon sa mga bag-ong responsibilidad.
Isip Athletes Representative sa International Weightlifting Federation kun (IWF), damgo niya nga mapalapdan ang sports nga weightlifting sa matag rehiyon sa nasod.
Siya usab ang Technical Delegate sa Palarong Pambansa, diin naglaum siya nga mahimong regular sport ang weightlifting sa maong kompetisyon.
Una na siyang nagtapos sa De La Salle University og bachelor’s degree in business administration major in management niadtong Hulyo 2023.
Samtang Hulyo 2024, nagtukod ang Tokyo 2020 Olympian og weightlifting academy sa Rizal.
Photo courtesy of Hidilyn Diaz/ FB
