Posiblengt moabot sa P6 trillion ang kinatibuk-ang kita sa Pilipinas gikan sa buhis sa dili pa matapos ang termino ni Pangulong Ferdinand R. Marcos Jr.
Paniguro sa Department of Finance (DOF) nga anaa sa saktong dalan ang gobyerno aron pagkab-ot sa target nga kita sa pagpa-usbaw sa ekonomiya sa nasud.
Matud ni Finance Secretary Ralph Recto, maayo ang dagan sa panalapi sa nasud kung diin padayon ang pagsaka sa koleksyon sa buhis nga anaa sa 11 porsyento kada tuig.
Sa tuig 2024, nakatala ang gobyerno sa pinakataas nga kita sulod sa sobra duha ka dekada.
Lauman nga makuha ang target sa gobyerno ilabina sa pagpakusog sa bag-ong balaod sa VAT sa online services ug Capital Markets Efficiency Promotion Act.
Kalakip na usab niini ang mga balaod sa minahan ug mga tax amnesty nga gilaumang makadugang sa kita sa gobyerno.
Photo Coutesy: DEPARTMENT OF FINANCE
