Opisyal na nga nag-assume sa iyang katungdanan isip bag-ong Chief sa Philippine National Police (PNP) si Police Lieutenant General Jose Melencio Nartatez Jr. atol sa seremonyas sa Camp Crame, Quezon City karong adlawa, Martes, Agosto 26, 2025.
Si Nartatez maoy nilingkod isip officer-in-charge sa organisasyon sa kapulisan human sa kalit nga pag-relieve sa katungdanan ni kanhi PNP Chief Police General Nicolas Torre III sa samang adlaw.
Sa wala pa ang pagtudlo ni Nartatez isip hepe sa nasudnong kapulisan, siya ang Deputy Chief for Administration sa PNP, ang ikaduhang labing taas nga ranggo sa PNP.
Kahinumdoman nga niadtong Agusto 14, gibalik sa National Police Commission si Nartatez isip Deputy Chief for Administration sa PNP, hinungdan nga gibalibaran ang gitudlo ni Torre kaniya isip area police commander sa Western Mindanao.
Photo Courtesy: Manila standard
