Nabalintong ang patrol vehicle sa 2nd Zamboanga Del Norte Provincial Mobile Force Company didto sa National Highway sa Barangay San Miguel, lungsod sa Liloy, Zamboanga del Norte kagahapong adlawa, Agosto 25, 2025.
Sumala sa inisyal nga imbestigasyon, nagpahigayon matod pa ug mobile operation ang mga personahe sakay sa maong sakyanan dihang ni-slide ang ligid tungod sa tubigan nga karsada. Sa paningkamot nga malikayan nga makabangga ang gikatagbong sakyanan, ang driver ang mihimo sa defensive maneuver nga miresulta sa pagbalintong sa patrol vehicle.
Swerte nga wala nakaangkon ug injuries ang mga sakay nga mga personahe samtang ang sakyanan ang nakaangkon ug damage.
Nagpahigayon usab ug review sa insidente ang mga otoridad alang sa pagsiguro sa operational safety ug padayong kaandam sa tanang patrol units.
Photo Courtesy: Balong Mayor
