Nag-update si Kim Chiu sa iyang mga fans kabahin sa iyang kinabuhi samtang nagpundo siya og usa ka bulan sa Cebu alang sa taping sa bag-ong teleserye nga The Alibi kauban si Paulo Avelino ubos sa Dreamscape Entertainment.
Sa iyang social media post nga giulohan og “Life lately,” gipaambit sa aktres ang kalipay sa pagpuyo pag-usab sa iyang “motherland” diin puno kini og daghang handumanan. Giingon niya nga lahi gihapon ang pagbati nga makabalik sa lugar nga nagpahinumdom sa dagkong parte sa iyang pagkabata.
Giangkon ni Kim nga dili sayon ang pagsabay sa trabaho ug personal nga kinabuhi samtang nagpasalamat usab siya sa tanan nga nagpabilin nga misuporta kaniya.
Photo Courtesy: Kim Chui
