Posibleng mahimong sentro sa pharmaceutical industry ang Pilipinas samtang daghang dagkong kompaniya ang nagsugod pagsulod sa mga economic zone sa nasud.
Base sa ulahing kasayuran sa BMI Country Risk & Industry Research, gipasabot nga ang AstraZeneca, Merck Business Solutions ug Royale Life Pharma nagpasiugda og mga inisyatiba aron ilunsad ang Pilipinas isip rehiyonal nga pharmaceutical hub.
Gilauman nga ang maong hub molihok isip regional center para sa digital health technology, R&D collaboration, ug patient-centered health-care solutions.
Usa sa inisyal nga proyekto mao ang Oncology Innovation Center, nga gisunod sa hub nga gihuptan sa AstraZeneca sa United Kingdom.
Sa laing bahin, gipalig-on usab sa gobyerno ang pharmaceutical sector pinaagi sa regulatory improvements aron makadani ug mas daghang langyaw nga mamuhunan, samtang ang PEZA nagpaluyo sa pagtukod og pharmaceutical parks aron mapaubsan ang gasto sa tambal pinaagi sa local production.
Matod pa sa BMI, gilauman nga magpabilin ang Pilipinas nga pinakadako nga pharmaceutical market sa Southeast Asia.
Apan nagpabilin gihapon ang mga babag, lakip na ang kalisod sa pagdani ug pagpadayon sa pharmaceutical research and development, ug ang dugay nga proseso sa FDA drug approvals nga kasagaran molungtad ug duha hangtod upat ka tuig.
source:inquirer.net
