Nakuha sa Guiness World Record ang usa ka babayeng politiko nailing si Marwa Rizqy, gikan sa Canada human siya nakasul-ob og 360 ka kurbata sa usa ka higayon.
Siya usa ka myembro sa National Assembly sa Quebec, giila isip nakakuha sa titulo nga βpinakadaghan nga kurbata nga gisul-ob niadtong higayuna. Gibuhat ang maong pagsulay atol sa Canadian TV show nga Infoman isip pagsaulog sa iyang serbisyo sa politika sa wala pa siya moluwat sa puwesto.
Segun pa niini iyang gidawat ang hagit aron ipakita nga ang mga kababayen-an parehas ra usab sa kalalakin-an, ug kaya usab magsul-ob og daghang kurbata. Sa tabang sa production team, tagsa-tagsa nga gisul-ob kaniya ang mga pre-knotted necktie.
Miabot og 48 minutos ang paghimo aron napildi niya ang daang rekord, ug sa pag-abot sa 360 ka kurbata, halos natabunan na ang iyang nawong ug uloΒ sa nag undok nga panapton.
Gisugat siya sa masipang mga pakpak sa mga nanan-aw tungod saΒ iyang dakong kalampusan sa maong kompitisyon. Para sa babaye, usa kini ka dugang dungog nga iyang ipasigarbo sa iyang pamilya.
Photo courtesy to: Guinness World Record
