Nagpahayag sa iyang kasubo si Israeli Prime Minister Benjamin Netanyahu alang sa kapin 20 ka biktima, lakip na ang lima ka journalist, nga namatay human nga maigo sa pagpamomba ang Nasser Hospital sa Gaza.
Matod ni Netanyahu, gihatagan niya ug dako nga bili ang papel ug sakripisyo sa mga journalist, medical staff, ug mga sibilyan nga naapektohan sa gubat. Kasamtangan nga nagpadayon ang hugot nga imbestigasyon sa militar sa Israel aron masuta ang tinuod nga hinungdan sa insidente.
Sukad pa sa pagsugod sa panagbangi niadtong Oktubre 2023, kapin 200 na ka mamamahayag ang narekord nga napatay, diin kadaghanan niini target sa gubot tali sa Hamas ug Israel.
Photo credit to Britanica
