Mibisita ang Philippine Sports Commission sa bag-ong natukod nga Bukidnon Sports Complex ug Northern Mindanao Center for Culture and the Arts ning bulan sa Agosto 2025 sa barangay Laguitas syudad sa Malaybalay.
Anaa usab sa maong site inspection sila Governor Rogelio Oniel Roque, City Mayor Warren Pabillaran, RD Lilibeth Aparecio, Engr. Virgie Nayve, District Engineer Maria David, ADE Sarah Lagrama, ug Coach Elmer Pamisa.
Personal giubanan ni Senador Miguel Zubiri si PSC Chairman Patrick “Pato” Gregorio atol sa pagsusi sa pasilidad nga adunay 15,000-seat stadium, eight-lane track ug field oval, football field ug aquatics center nga adunay Olympic-size nga swimming pool ug diving pool.
Ang pagbisita kabahin sa preparasyon sa pagtapos sa maong world-class facilities kung asa andam na sa pagpirma ang panggamhanang probinsyal sa Memorandum of Agreement (MOA) uban sa Philippine Sports Commission aron dinhi mapahigayon ang training sa mga national athletes sama sa boxers, martial artists, ug ubang sports disciplines.
Nagtimaan usab kini sa mahinungdanong milestone sa pagpasiugda sa sports excellence ug garbo sa kultura sa probinsya ug rehiyon.
Photo courtesy: Senator Migz Zubiri
