Giklaro sa Philippine Atmospheric Geophysical and Astronomical Services Administration o PAG-ASA, nga alas 3:00 sa kadlawon karong adlawa, Agosto 25,2025, usa ka Low Pressure Area o LPA ang nasiplatan sa kadagatang bahin sa sidlakang bahin sa Maasin City, Southern Leyte.
Ang maong LPA anaa sa gilay-on nga 365 kilometros sa East sa Maasim City, Southern Leyte. Gilaumang makaapekto kini sa tibook isla sa Mindanao, hinungdan sa dag-om ug mga pag-ulan.
Sa weather forecast sa PAG-ASA, ang mga rehiyon sa Northern Mindanao ug CARAGA gikatakdang makasinati og pagdag-om, kilat kilat, ug mga pag-ulan-ulan. Posible usab ang pagbahan, ilabi na sa mga dapit nga ubos ug dali mabahaan.
Sa Zamboanga Peninsula, kasagaran nga hangin sa southwest ngadto sa northewest ang masinati. Ang kahimtang sa kadagatan anaa kasarangan ang pagbalod, nga mosukod tali sa 0.6 hangtud sa 1.8 ka meters.
Gipahimangnoan sa PAG-ASA ang publiko nga magmatngon, ilabi na ang mga nagpuyo sa patag nga mga lugar, ug ang mga mangingisda nga magbantay sa kahimtang sa panahon.
Photo courtesy of DOST-PAG-ASA
