Gipasigarbo sa lokal nga pangagamhanan pinaagi sa Persons with Disability Affairs Division ug Valencia City Sports and Games Regulations Division ang pagpahigayon sa “Sports for All: Goal Ball Tournament” nga gisalmotan sa mga visually impaired nga players, nga gipahigayon sa Valencia City Gymnasium and Cultural Center niaging adlaw.
Ang Golden Harvest-Valencia City team maoy nakakuha sa kampeonato, Triple R-Talakag, (1st Place), MMJ Team-Kalilangan, (2nd Place), ug Blind Warriors-Iligan City (3rd Place).
Sa exclusive nga pakighinabe sa Juander Radyo Malaybalay kang Cesar Dela Cruz – president sa PWD sa barangay Bagontaas kung asa maoy nangulo sa team syudad sa Valencia miingong wala sa pisikal nga kalisdanan ang makababag sa ilang talento gani human sa ilang kadaogan gilaoman nga dunay salmotan nga uban pang liga sunod bulan sa Setyembre.
Dugang gibutyag ni Patricio Ingaling – Person With Disability Division Head nga daghan pa ang mga events sa mga PWD sa syduad pinaagi sa makanunayong suporta lokal nga pagagamhanan sa paningkamot aron mahatagan sa kahigayonan ang mga Persons with Disability (PWD) nga makapartisipar ug maipakita ang ilang abilidad.
via: City Government of Valencia
