Nadakpan ang usa ka empleyado sa gobyerno sa gihimong buy-bust operation, Agosto 22, 2025 sa Barangay Bag-ong Lungsod, Tandag City, nga miresulta sa pagkakumpiska sa gibanabanang PHP272,000 nga kantidad sa gidudahang shabu. Ang operasyon gihimo pinaagi sa panaghi-usa sa Surigao del Sur PDEU/PIU, Tandag City Police Station, ug sa Philippine Drug Enforcement Agency (PDEA) Surigao del Sur.
Ang suspetsado giila nga si alyas “George”, 42-anyos, ug giila nga high-value individual nga ubos sa watchlist sa kapulisan. Nasakmit gikan sa suspek ang 17 ka heat-sealed transparent plastic sachets nga adunay sulod nga gibanabanang 40 gramos sa gidudahang shabu, lakip na ang non-drug items.
Kasong paglapas sa Republic Act 9165 o Comprehensive Dangerous Drugs Act of 2002 ang giandam aron ipasaka batok sa suspek.
