Mipirma og Memorandum of Understanding (MOU) si Department of Information Communication and Technology (DICT) Secretary Henry Aguda, uban ni Managing Director Teo Teck San, nga nagtimaan sa usa ka importanteng lakang alang sa digital nga kaugmaon.
Gibutyag nga nag-unang tumong niini nga panagtambayayong mao ang pagtukod og gambalay alang sa kooperasyon sa gisugyot nga pagpamuhunan sa Kintsugi sa pagpalambo, pagtukod, ug operasyon sa usa ka data center sa Pilipinas.
Nagtakda usab ang maong MOU sa entablado alang sa estratihikong kolaborasyon aron suportahan ang digitalization, sa publikong sektor ug mapadali ang pagsagop sa AI, Cybersecurity, Cloud Infrastructure, ug uban pang advanced nga mga teknolohiya sa kritikal nga mga dapit sa nasudnong kalamboan.
Photo courtesy to:BusinessWorld
