Misangpot sa pagdakop sa usa ka suspetsado nga nailhan pinaagi sa “Isumbong Mo sa PDEA” platform ang gihimong hiniusa nga buy-bust operation sa Philippine Drug Enforcement Agency Regional Special Enforcement Team, kauban ang Philippine National Police Regional Intelligence Unit 10 ug Cagayan de Oro City Police Station 5.
Nahitabo ang operasyon mga alas 4:00 sa hapon sa nakalabay nga adlaw sa Zone 6, Cilrai, Macabalan, Dakbayan sa Cagayan de Oro, diin nasikop si alyas “JAK2X”, 25-anyos, ug residente sa Brgy. Puntod.
Nakuha sa mga awtoridad ang usa ka gamay nga sachet sa gituohang shabu nga nagtimbang og kapin-kulang 0.5 gramos, apil ang buy-bust money.
kaso nga paglapas sa Article II sa Republic Act 9165, nga nailhan usab isip Comprehensive Dangerous Drugs Act of 2002 ang gipasaka sa maong suspetsado.
SOURCE : PDEA 10
