Pormal nga misang-at og extradition request ang gobyerno sa Estados Unidos batok kang Pastor Apollo Quiboloy, founder sa Kingdom of Jesus Christ.
Gikompirmar ni Philippine Ambassador to the US Jose Manuel “Babe” Romualdez nga ang US miduso sa hangyo ngadto sa Philippine Department of Justice (DOJ) niadtong Hunyo, uban sa mga dokumento nga nagsuporta sa pagkatawo ug nahimutangan ni Quiboloy.
Si Quiboloy nag-atubang og mga kaso may kalabotan sa giingong labor trafficking scheme diin ang mga miyembro sa iyang simbahan gipadala ngadto sa Estados Unidos gamit ang pekeng visa
Ang ekstradisyon gisang-at ubos sa 1994 extradition treaty tali sa Pilipinas ug Estados Unidos diin nalatid nga ang Pilipinas obligado sa pagpahibalo sa US sa bisan unsa nga desisyon mahitungod sa extradition request, og kon maaprobahan, ang duha ka nasod mohimo og kasabotan sa tukmang oras ug dapit sa pagsurender ni Quiboloy.
Sa pagkakaron, wala pay opisyal nga pamahayag ang kampo ni Quiboloy kalabot sa extradition request, apan una na kining mihimakak sa mga pasangil ug gitawag kini og “massive slander” batok kaniya.
via: Senate Public Relations and Information Bureau
