Dakpan sa kapulisan pinaagi sa gilusad nga drug buy bust operation ang usa ka lalaki kinsa namaligya og drugang shabu didto sa Purok 1B, Barangay Sipaloc, Sibutad, Zamboanga del Norte niadtong nakalabay nga adlaw.
Giila ang dinakpan nga 32 anyos, minyo, mag-uuma ug residente sa nasangpit nga barangay. Nakuha gikan sa suspetsado ang usa ka gamay nga pakete sa shabu nga nagsilbing buy bust item ug ang duha ka medium size nga pakete sa shabu gikan sa iyang posisyon.
Mokabat sa usa ka gramo ang nasakmit nga druga gikan sa dinakpan nga nagkantidad ug Php6,800.00.
Tingkagol sa selda sa Sibutad Municipal Police Station ug mag-atubang sa kasong paglapas sa RA 9165 kon Comprehensive Dangerous Drugs Act of 2002.
photo credits: SIBUTAD MPS
