Mihangyo sa Korte Suprema ang kampo ni Bise Presidente Sara Duterte nga hingpit nga ibasura ang motion for reconsideration (MR) nga gisang-at sa House of Representatives kalabot sa naunang desisyon sa labawng hukmanan nga nagbasura sa articles of impeachment batok sa bise presidente.
Sa 27 ka pahina nga komentaryo nga gisumitir sa kampo ni Duterte, ilang giinsister nga ang motion reconsideration sa Kamara kulang sa igong merito ug kinahanglang isalikway.
Una nang gisang-at ang sa House of Representatives ang maong mosyon human gikuwestiyon ang desisyon sa Korte Suprema, diin ang mga magbabalaod nipasangil nga adunay mga factual errors sa desisyon sa korte, ug matod pa, kompleto na ang ikaupat nga impeachment complaint, lahi sa tulo ka mga reklamo kaniadto nga gibasura.
Apan ang kampo ni VP Duterte niinsistir nga daw nagpakabuta-bungol ang Kamara sa desisyon sa Korte Suprema ug gitawag kini og klarong “diversion” sa tinuod nga isyu.
Kahinumduman nga niadtong Hulyo, gipahunong sa Korte Suprema ang pagpahigayon sa impeachment trial sa Senado tungod sa paglapas sa probisyon sa Konstitusyon nga nag-ingon nga dili mapasaka ang kapin sa usa ka reklamo sulod sa usa ka tuig.
via: ovp
