Magpagula og subpoena ang Senate Blue Ribbon Committee batok sa mga kontraktor sa flood control projects nga wala mitambong sa gihimong hearing sa Senado.
Sa 15 ka mga kontraktor nga giimbitar, pito ra ang nakatunga ug misanong sa hearing sa Senado, hinungdan nga ipahamtang ang mas istriktong aksyon batok kanila.
Gipadayag sa komitiba nga mahinungdanon kaayo ang ilang pagtambong aron matubag ang mga isyu ug alegasyon kalabot sa proyekto sa flood control, nga gilaoman nga makatubag sa dugay na nga problema sa pagbaha sa lain-laing lugar sa nasud.
Matod sa Senate Blue Ribbon Committee, ang subpoena nga ipagawas, usa ka lakang aron mapugos ang mga kontraktor nga mohatag sa gikinahanglan nga impormasyon ug klaripikasyon sa giatubang nga imbestigasyon kalabot na sa P545 million nga kantidad sa flood control projects sa gobyerno.
photo credits:journalnews
