Nadakpan sa kapulisan sa Barobo Municipal Police Station ang Top 4 Most Wanted Person sa lungsod sa Barobo, Surigao del Sur, alas 7:00 sa gabie, Agosto 18, 2025.
Ang suspetsado giila nga si alyas “Gar,” 27 anyos, ulitawo, residente sa Purok 2, Barangay Amaga, Barobo, Surigao del Sur.
Si “Gar” giisyuhan og Warrant of Arrest alang sa paglapas sa Seksyon 5(A) sa Republic Act 10586 (Reckless Driving). Ang maong kaso giisyu sa RTC Branch 28, Lianga, Surigao del Sur niadtong Agosto 4, 2025, uban sa girekomendar nga piyansa nga Php120,000.00.
Karon ang dinakpan anaa na sa Barobo Municipal Police Station (MPS) alang sa hustong disposisyon.
source: Barobo Municipal Police Station
