Nakaplagan sa usa ka babaye nga si Micherre Fox, 31 anyos,nga taga New York ang 2.3-carat ang puting diyamante sa Crater of Diamonds State Park sa Arkansas. Nahimong mas espesyal ang iyang nakit an kay mao kini ang gamiton para sa iyang engagement ring.
Matod sa babaye nga duha na ka tuig sukad niya gihunahuna nga siya mismo ang mangita sa diyamante para sa iyang singsing, isip simbolo sa iyang paningkamot. Suportado usab siya sa iyang kapikas ug mitugot nga maghulat hangtod makit-an niya ang hustong bato.
Nagplano si Fox og tulo ka semana nga pagpangita sa parke nga nagsugod niadtong Hulyo 8. Adlaw-adlaw siya nag-ukay,ug sa katapusan nga adlaw, Hulyo 29, nakit-an na gyud niya kini.
Gidala niya ang diyamante sa Diamond Discovery Center diin gikumpirma sa mga staff nga usa kini ka 2.3 carat ang puti nga diyamante ug kini lisod pangitaon gumikan kay ang maong diyamante may pagkamahal ang presyo niini.
Gipangalanan niya ang diyamante og “Fox-Ballou Diamond, nga nagpasabot sa giipon ang apelyido nila sa iyang kapikas.
Matod si Micherre nga nakahilak siya ug wala nakasabot sa iyang gibati,og dako ang kalipay niini nga ang butang sa dugay nga higayon nga gipangita sa kataposan iya na kining nakit-an ug na angkon.
Photo Credits:abcnews.go.com
