Dali nga girespondihan sa mga operatiba sa Iligan City Police Station 4 ang nadawat sa kapulisan nga usa ka emergency call hapon sa Agosto 19, 2025 ,tungod sa usa ka init nga engkuwentro sa karsada sa Macapagal Avenue, Barangay Tubod, Iligan City.
Unang gikataho nga gipasanginlan matud pa ang usa ka 39-anyos nga lalaki, residente sa San Agustin, Manilaw, human kini mipakita og armas gikan sa bintana sa iyang sakyanan atol sa tensyonado nga trapiko.
Matud pa nga mikalit og sulod sa linya ang puti nga Toyota Fortuner nga adunay plaka nga NAR 5706, kung asa gi-ablihan matud pa sa drayber ang bintana sa iyang sakyanan ug gipakita ang gituhuang .45 caliber pistol, hinungdan sa pagkahadlok usab sa ubang mga motorista.
Mihimo gilayon sa dinaliang action ang kapulisan paspas nga gisilbihan sa search warrant ang suspek nga giisyu ug gipirmahan ni Hon. Alberto P. Quinto sa RTC Branch 1, Iligan City .
Gihimo gilayon ang operasyon ug nakuha gikan sa nahimutangan sa suspek ang usa ka grey silver nga .40 caliber pistol, usa ka magazine ug 14 ka bala.
Gidala dayun ang suspetsado sa buhatan sa Iligan City Police Station 4- kauban ang mga ebidensyang nakumpiska.
Nunot niini naghatag ug pahimangno ang kapulisan sa tanang mga motorista nga dili pagpadala sa kasuko sa karsada tungod kay ang balaod walay gipili.
via:Iligan City Police Station 4
