Nadakpan sa usa ka joint operation ang usa ka 32-anyos nga lalaki nga wanted sa kasong pagpangawat niadtong nakalabay nga adlaw sa Don Pedro Celdran Avenue, Tubod, Iligan City. Giila ang suspek nga residente sa Purok Ilang-Ilang, Barangay Tambacan, Iligan City.
Gidakop ang suspek pinasikad sa warrant of arrest nga gipagawas ni Judge Earl Charito Jumawid Ruel sa MTCC, Branch 5, 10th Judicial Region, Iligan City, penetsahan kaniadtong Mayo 15, 2025, ug adunay girekomendang piyansa ang korte nga mobalor sa Php 3,000.
Gipangulohan ang operasyon sa CIU-SOU sa Iligan City Police Office sa pagpanguna – ni PCPT Nathaniel Arcamo, Deputy Chief sa CIU, ubos sa direkta nga pagdumala ni PMAJ Mark Ian Quieta.
Dugang pa nakig-alayon usab sa operasyon ang mga tracker teams gikan sa Iligan City Police Station 4,1005th RMFB, CGIU LDN, ug RSOU.
Sa pagkakaron, ang suspetsado anaa na sa kustodiya sa Iligan City Police Station 4, detention cell alang sa tukmang lakang.
via:Iligan City Police Station 4
