Patay ang usa ka 38 anyos nga lalaki samtang laing lima pa nga naglakip sa lima (5) ka-tuig nga batang babaye, ang nasamdan sa usa ka mass shooting incident sa Baltimore, Maryland USA, kaniadtong nilabay nga gabii.
Nahitabo ang maong insidente duol sa Spaulding ug Queensberry Avenues samtang nagtigom ang mga tawo para sa usa ka crab feeding sa maong lugar.
Sa report, nakaangkon og samad pinusilan sa kamot ang usa ka dalagita hinuon dili grabe ang naangkong samad niini.
Samtang ang ubang mga biktima nakaangkon usab og minor injuries. Wala pay gipagawas nga detalye ang kapulisan kabahin sa suspek o motibo sa pagpamusil.
Giawhag ang publiko nga mokontak sa Metro Crime Stoppers alang sa impormasyon kalabot sa pagkatawo sa maong suspetsado.
photo credits:abc7new.com
