Gidagsa ug liboan ka tawo sa kadalanan sa Tel Aviv ang nahitabong rally sa nasud Israel, niadtong milabay’ng adlaw, arun matud pa supakon ang plano ni Punong Ministro Benjamin Netanyahu nga ipadayon ang hapit duha ka tuig nga gyera sa Gaza, samtang sila nangayo sa hinanaling pagtapos sa gyera ug sa pagpagawas sa mga hostages.
Sa sayo pa, ang opisina sa punong ministro nag-ingon nga ang gabinete sa seguridad, nakahukom sa pag-ilog sa Gaza City, pagpalapad sa mga operasyong militar sa naguba nga teritoryo sa Palestinian, bisan pa sa pagkaylap nga pagsupak sa publiko ug mga pasidaan gikan sa militar nga ang lakang mahimong peligro sa mga bihag.
Base sa mga survey sa opinyon sa publiko, kadaghanan sa mga Israelis mipabor sa diha-diha nga pagtapos sa gyera aron masiguro ang pagpagawas sa nahabilin nga 50 ka mga hostage nga gihuptan sa mga militante sa Gaza.
Nagkalat ang mga nag-protesta og mga bandila sa Israel ug nagdala sa mga plakard nga adunay mga imahe sa mga hostage.
Ang uban nag-gunit og mga karatula nga nagpunting sa kasuko sa gobyerno, ug nag-awhag kang Trump nga molihok aron mapugngan si Netanyahu sa pagpadayon sa mga plano nga modako ang giyera.
Dugang pa niini, ang militar sa Israel nakapatay sa kapin sa 61,000 ka mga Palestinian sa giyera, sumala sa ministeryo sa Gaza.
