Gipasiugda karon sa mga opisyal sa probinsya sa Guangdong, China ang mas gipakusgan pa nga kampanya batok sa Chikungunya virus human misaka sa kapin 7,000 ka kaso ang natala.
Gipatuman ang bug-at nga anti-mosquito drive nga halos pareho sa istriktong pamaagi sa COVID-19 response. Lakip sa operasyon ang 24-oras nga fumigation, paggamit sa mga drone, aron mas dali maabot ang dagkong lugar, ug pagpang-apply sa biological predators sama sa isdang mokaon sa larvae sa lamok.
Gisugdan na ang pagsubay sa mga tawo nga nag-inom og tambal kontra sintomas ug pag-isolate sa mga pasyente hangtod mamahimo nang negatibo ang test result.
Nagpahinomdom usab ang Department of Health sa China, nga magbantay ang katawhan pinaagi sa pagsul-ob og long sleeves, paggamit og insect repellent, ug paglimpyo sa mga lugar nga mahimong breeding ground sa lamok.
photo credits:metro.co.uk
