𝗣𝗜𝗣𝗜𝗟𝗔 𝗞𝗔 𝗠𝗚𝗔 𝗙𝗢𝗥𝗘𝗜𝗚𝗡 𝗠𝗜𝗡𝗜𝗦𝗧𝗘𝗥𝗦, 𝗚𝗜𝗞𝗢𝗡𝗗𝗜𝗡𝗔 𝗔𝗡𝗚 𝗗𝗘𝗦𝗜𝗦𝗬𝗢𝗡 𝗦𝗔 𝗦𝗘𝗖𝗨𝗥𝗜𝗧𝗬 𝗖𝗔𝗕𝗜𝗡𝗘𝗧 𝗦𝗔 𝗜𝗦𝗥𝗔𝗘𝗟

Gikondina ang desisyon sa Pipila ka mga foreign ministers sa Security Cabinet sa Israel nga maglusad og halapad nga military operation sa Gaza.

Lakip niini ang mga ministro sa Australia, Germany, Italy, New Zealand ug United Kingdom.

Sa usa ka joint statement, gibutyag sa lima ka foreign ministers nga ang maong plano nga gipahibalo sa gobyerno sa Israel mahimong makalapas sa international humanitarian law.

Kahinumdoman nga giaprubahan sa Security Cabinet sa Israel ang plano nga kuhaon ang kontrol sa Gaza City, nga nagpasamot pa sa mga military operations sa nadaot nga teritoryo sa mga Palestino.

Gihimo ang plano sa Israel taliwala sa wala pa mahuman nga panagbangi tali nila ug sa Hamas sa Gaza nga milungtad na og hapit duha ka tuig sukad pa niadtong Oktubre 7, 2023.

via: reuters