𝗟𝗔𝗟𝗔𝗞𝗜 𝗗𝗔𝗞𝗣𝗔𝗡 𝗦𝗔 𝗕𝗨𝗬-𝗕𝗨𝗦𝗧 𝗢𝗣𝗘𝗥𝗔𝗧𝗜𝗢𝗡

CAGAYAN DE ORO CITY- Arestado ang usa ka 47-anyos nga lalaki atol sa gihimong buy-bust operation sa Gingoog City Police Station ug 1001st MC RMFB 10, pasado alas-5:50 sa hapon sa nakalabay mga adlaw sa Purok 1, Barangay 20, Gingoog City.

‎Giila ang suspetsado nga si alyas “Bobot”, walay trabaho ug residente sa Barangay 13, Gingoog City. Nadakpan siya sa aktong pagbaligya og giingong shabu. ‎Nakuha gikan sa suspek ang gibanabana nga 43.1 gramos sa gituhuang shabu nga adunay street value nga P293,080.

‎Lakip sa mga nasakmit mao ang 17 ka sachet sa ilegal nga droga, P500 marked money, laing mga denominasyon sa kwarta nga nagkantidad og P53,200, usa ka metal box nga adunay label sa tambal, ug usa ka gamay nga itom nga pouch.

Samtanga ang suspek gidala na sa Gingoog CPS alang sa hustong disposisyon.

SOURCE : PRO 10