Naperwisyo ang nasud Pakistan sa walay paghunong nga ulan niadtong milabayng semana nga miresulta sa kamatayon sa ubay-ubay nga katawhan.
Base sa report nga mikabat na sa 300 ka mga tao ang nangamatay ug 1,600 ka mga balay ang mga nangaguba tungod sa baha, kusog nga pagbundak sa ulan ug paglain sa panahon sugod niadtong Hunyo 26, 2025.
Sumala pa sa usa ka biktima nga si Saqib Hassan, nga tungod sa pagbaha sa ilahang lugar nga miresulta kini sa pagkadaot sa ilahang mga kabalayan ug mikabat sa 100 million rupees ang damyos lakip ang ilang dairy farm ug mga kahayopan ang naanod tungod sa kusog nga pagbaha nga ilang nasinatian.
Dugang pa niini nga wala na silay mapuy-an karun ug gihatagan sila sa gobyerno ug rasyon sa pagkaon nga mi kantidad ug 50,000 rupees o 177$ ug sa kasamtangan nagpuyo sila sa tent.
photo credits: msn.com
