ZAMBOANGA CITY- Parte na esfuerso para menora el traffic congestion, el Govierno Local bajo na administration del Alcalde Khymer Adan Olaso, hay strictamente enforsa “REST DAY” policy para na maga tricycles y Piaggios.
Este measure hay bajo na Article 6, Section 3 de Ordinansa Numero 185 donde tan outline este el schedule para man restrict maga tricycles na escujido dia base na last digit del licensia na placa.
El rest day schedule para na tricycle con license plate numbers ending 1 y 2 hay Lunes, na ending 3 y 4 hay martes, ending 5 y 6 hay miercoles, ending 7 y 8 hay jueves mientras para na Viernes el plate ending 9 y 0.
El stricto implementacion de est provision hay stratehiya del administration Olaso para ayuda man address con el traffic na ciudad.
Photo credits:City of Zamboanga
