NABUNTURAN- Nasikop ang duha ka indibidwal atol sa gipahigayong buy-bust operation sa Purok-1, Barangay Magsaysay, Nabunturan, Davao de Oro, niadtong Agosto 6, 2025, alas 3:20 sa hapon.
Gipahigayon ang operasyon sa mga sakop sa Nabunturan Police Station kauban ang mga personahe sa 1st Davao de Oro Provincial Mobile Force Company (DDOPMFC).
Naila ang mga dinakpan sa alyas “Soy” ug alyas “Nova”.Nakumpiska gikan ka nila ang gidudahang shabu nga gibana-banang may gibug-aton nga 5 gramos ug adunay standard nga market value nga Php 34,000.00.
Nakuha usab ang usa ka .357 caliber revolver nga walay serial number, buhing bala, usa ka timbangan, ug lain pang drug paraphernalia.
Ang mga suspetsado ug ang nakumpiskang ebidensya anaa na karon sa kustodiya sa kapulisan alang sa tukmang dokumentasyon ug disposisyon.
Kasong paglapas sa Republic Act 9165 (Comprehensive Dangerous Drugs Act of 2002) ug Republic Act 10591 (Comprehensive Firearms and Ammunition Regulation Act) ang giandam batok sa mga suspetsado, nga ipasaka pinaagi sa inquest proceedings.
Photo credits: NABUNTURAN MPS
