𝗪𝗜𝗟𝗗𝗙𝗜𝗥𝗘 𝗦𝗔 𝗦𝗢𝗨𝗧𝗛𝗘𝗥𝗡 𝗙𝗥𝗔𝗡𝗖𝗘, 𝗚𝗜𝗦𝗨𝗡𝗢𝗚 𝗔𝗡𝗚 𝗞𝗔𝗣𝗜𝗡 𝟰,𝟱𝟬𝟬 𝗞𝗔 𝗘𝗞𝗧𝗔𝗥𝗬𝗔

Miulbo ang usa ka dakong wildfire sa rehiyon sa Aude, southern France, duol sa utlanan sa Spain, ug nasunog ang kapin 4,500 ka ektarya sa kakahuyan.

Kapin sa 1,250 ka bombero ang gipadala aron makontrol ang kalayo, nga padayon pa gihapon hangtod karon.

Matod ni Colonel Alexandre Jouassard sa civil protection agency, padayon ang ilang operasyon aron mapalong ang sunog ug malikayan ang dugang kadaot.

Si French President Emmanuel Macron mikumpirma nga ang tanang ahensya sa nasud andam motabang sa emerhensya ug mosuporta sa mga paningkamot aron mapalong ang kalayo.

Duha ka tawo usab ang gikatahong nasamdan, lakip ang usa ka tawo nga kritikal ang kahimtang.

source: John Flores