Maghatag og libreng Single Journey Ticket ang Department of Transportation ug ang MRT-3 sa mga pasahero nga nakasinati og isyu sa ilang cashless payment system, sugod kaniadtong Lunes, Agosto 4,2025.
Kini nga inisyatibo subay sa direktiba sa gobyerno aron matubag ang mga reklamo samtang anaa pa sa pilot run ang bag-ong pamaagi sa pagbayad.
Daghang pasahero ang gireklamo ang sistema diin nabayran sila og pinakamahal nga plete nga ₱28 tungod sa kapakyas sa pag-tap out sa exit turnstiles.
Isip solusyon, ang DOTr mohatag og non-expiring nga SJT nga nag-balor sa labing taas nga plete, ug magamit kini sa sunod nga biyahe sa pasahero aron makuha ang libreng ticket, kinahanglan lang nga moadto sa bisan unsang ticket booth sa MRT-3 ug ipakita ang ebidensya sa napakyas nga tap-out transaction.
Gipasalig sa ahensya nga ilang gimonitor ang mga problema ug magpadayon ang pag-upgrade sa sistema aron malikayan ang susama nga mga insidente.
Gihangyo usab sa DOTr ang pagsabot sa mga pasahero samtang gipahapsay pa ang bag-ong payment system.
Source: Kamila Ysabel
