ILIGAN CITY- Sikop sa mga operatiba ang usa ka lalaki nga Most Wanted Person nga giilang si alyas “Ayan” 18 anyos, ug sulod mismo sa iyang pinuy-anan sa may Purok 11, Barangay Upper Hinaplanon, sakop sa Iligan City atol sa gihimong operasyon alas 11:03 sa buntag kagahapong adlawa Agusto 4, 2025.
Nagmalampuson ang pagsikop sa mga operatiba sa Iligan City Police Station 1, sa pangulo ni PMAJ RODULFO B ARAÑADOR JR, Officer In-Charge ug sa iyang mga kaubanan.
Atubangon sa dinakpan ang kasong pagsupak ilalom sa Republic Act 9165 (Comprehensive dangerous Drugs Act of 2002). Gi-isyu ni Presiding Judge ARASSAD MACARAMPAT MACUMBAL sa Regional Trial Court, Branch 2, 10th Judicial Region, Iligan City, pinitsahan niadtong Hulyo 25, 2025 samtang adunay girekomenda nga pyansa ang korte mobalor sa 200,000.00 ka pesos bugti sa iyang temporaryong kagawasan.
Sa pagkakaron ang nadakpan nagtingkagol na sa prisohan sa Police Station 1 sa Iligan City, samtang gihikay ang mga papeles aron ibalik sa nag isyu nga korte.
photo credits:Iligan City Police Station 1
