Gipasaka ni Senate Minority Leader Vicente βTitoβ Sotto III ang usa ka balaodnon nga nagtumong sa pagtukod sa Presidential Drug Enforcement Authority (PRDEA), nga maoy ipuli sa Philippine Drug Enforcement Agency (PDEA) ug Dangerous Drugs Board (DDB).
Subay sa Senate Bill No. 190, buot walaon ang kasamtangang mandato sa PDEA ug DDB diin ibutang sa PRDEA nga direktang ipailawom diretso sa MalacaΓ±ang ang tanang plano ug proseso batok droga, lakip ang enforcement, prosecution, prevention ug rehabilitation.
Matud ni Sotto, napakyas ang kasamtangang sistema diin naka-pokus lamang sa enforcement ug prosecution, nga miresulta og daghang casualty ug mga kaso nga nadismiss, apan kulang sa preventive ug rehabilitative efforts.
Kahibaloan nga gibatikos na sa PDEA ug DDB kaniadto ang maong sugyot, diin matud pa posibleng mas makadaot sa sitwasiyon kaysa makatabang, apan gibarugan gihapon ni Sotto nga kinahanglan og usa ka centralized agency aron mahimong mas epektibo ang kampanya kontra droga.
