Milarga si Presidente Ferdinand Marcos Jr. paingon sa India karong adlawa alang sa lima ka adlaw nga state visit nga nagtinguha sa pagpabakus sa relasyon tali sa Pilipinas ug India.
Gikatakdang pirmahan ang unom ka kasabutan nga naglangkob sa balaod, kultura, ug siyensya ug teknolohiya. Kini ang unang bisita ni Marcos sa India ug ika-36 nga biyahe gawas sa nasud sukad siya nahimong presidente niadtong 2022.
Matod sa Department of Foreign Affairs, makigtagbo si Marcos sa Filipino community sa New Delhi, motambong sa mga business ug opisyal nga kalihokan, ug maghatag og talumpati sa Observer Research Foundation. Makigkita sab siya kang Indian President Droupadi Murmu, Prime Minister Narendra Modi, ug uban pang opisyal sa gobyerno sa India.
