Gipadayag sa 49 porsyento sa mga Pilipinong pamilya nga sila kabus base sa pinakabag-ong survey sa Social Weather Stations (SWS) nga gihimo sa ikaduhang quarter sa tuig.
Gibanabana nga mga 13.7 milyones ka pamilya ang mitug-an nga kabus sila, base sa resulta sa survey nga gihimo sa Hunyo 25 hangtod 29 ug giluwatan niadtong Biyernes sa gabii.
Gipakita sa survey nga 10 porsyento sa mga pamilya ang nag-ingon nga sila anaa sa “borderline” tali sa kabus ug dili kabus, samtang 41 porsyento ang nagtuo nga dili sila kabus.
Gisaysay sa SWS nga ang 41 porsyento nga nagtan-aw sa ilang pamilya nga dili kabus mas ubos lang og usa ka puntos kumpara sa record-high nga 42 porsyento sa Abril 23-28 nga survey.
Sa laing bahin, ang 49 porsyento nga nag-ingon nga kabus sila mas ubos lang usab og usa ka puntos sa 50 porsyento nga narekord sa Abril nga survey, diin 14.1 milyones ka pamilya ang nagtuo nga kabus sila.
Ang survey gihimo sa 1,200 ka adult respondents ug adunay sampling error margin nga Β±3 porsyento.
