MALAYBALAY CITY- Dead on the spot ang driver ug usa ka helper sa Isuzu forward truck human aksidenteng nabangga Agosto 2, 2025 sa National Highway, sitio Veneer, Barangay Tikalaan, Talakag Bukidnon.
Sa inisyal nga imbestigasyon sa kapulisan nasayrang ang truck kargado sa mga chemicals gikan sa Davao City, paingon unta sa Poblacion Talakag, apan pag-abot sa nahisgutang lugar sa lugsongon ug kurbadahong bahin sa kalsada, dihang namatikdan sa driver nga nawad-ag preno ang ilang truck nga gimanihoan.
Daling miambak pagawas sa sakyanan ang usa ka helper samtang ang laing helper ug driver nabilin sa truck hinungdan naipit sa pagkabangga sa sakyanan sa buntod daplin sa dalan.
Sa karon ana-a sa luwas nga kahimtang ang nakalingkawas nga biktima, samtang pabiling gitambalan pa sa Bukidnon Provincial Hospital.
via: Talakag Municipal Police Station
