PAGADIAN CITY -Nasakmit sa mga otoridad lain-laing mga pakete sa druga, armas ug mga bala atol gipahigayon nga Search Warrant Operation sa Purok Timbungan, Barangay Mama, Dumalinao, Zamboanga del Sur, karong adlawa, Agosto 4, 2025.
Gipangunahan ang operasyon sa Dumalinao Municipal Police Station, Zamboanga del Sur Provincial Drug Enforcement Unit, Zamboanga del Sur Provincial Intelligence Unit, ug 2nd Zamboanga del Sur Provincial Mobile Force Company nga miresulta sa pagkasikop ni alyas “Abug,” 42 anyos, ug residente sa nahisgutang Barangay.
The operation was conducted under the authority of Search Warrants for violations of Republic Act 9165 (Comprehensive Dangerous Drugs Act of 2002) and R.A. 10591 (Comprehensive Firearms and Ammunition Regulation Act).
Ang search warrant may kalabutan sa RA 9165 ug RA 10591 nga gi-isyu ug gipirmahan sa Executive Judge, Regional Trial Court, 9th Judicial Region, Multi-Sala Station, Hall of Justice, City Hall Complex, Benigno Aquino St., Gatas District, Pagadian City kaniadtong July 31, 2025.
Nakuha sa operasyon ang walo ka pakete sa drugang shabu, ug uban pang non drug paraphernalia.
Nakuha sab ang usa ka caliber .45 pistol bearing, usa ka extended magazine, duha ka standard magazines, usa ka high-capacity magazine alang sa caliber .45.
Dugang sab nga nakuha sa kapulisan ang usa ka caliber .38 revolver, 24 live ammunition sa caliber .45, lima ka live ammunition sa caliber .38, tulo ka live 9mm rounds, ug 32 ka live ammunition s 5.56 mm.
Ang dinakpan anaa na sa kustudiya sa Dumalinao Municipal Police Station, samtang ang mga nakuhang butang giturn-over ngadto sa Provincial Forensic Unit, ZSPPO, alang sa ballistic ug forensic examination.
Via: ZSPPO
