Gipabakwit sa mga otoridad ang kapin 283-K ka mga residente nga nagpuyo daplin sa baybayon ug ubos nga mga lugar sa Shanghai, China, samtang nagkadool ang Bagyong Co-May nga nagdala og kusog nga uwan ug hangin.
Gitaas na sa Shanghai Central Meteorological Observatory ang alerto sa ulan gikan sa yellow ngadto sa orange rainstorm alert, nga mao ang ikaduha sa pinakataas nga lebel sa pasidaan.
Gikansela usab ang 640 ka mga biyahe sa eroplano sa duha ka international airports sa Shanghai tungod sa daot nga panahon.
Gipahimangnoan usab ang tanan nga residente sa maong dapit nga magpabilin sa luwas nga lugar ug sundon ang tanang direktiba sa mga lokal nga otoridad aron malikayan ang kadaut o disgrasya ug likayan ang pagpaduol sa dagat, sapa, ug mga lugar nga dali matabunan sa tubig.
