Nagsugod na usab sa pag-alburoto ang bulkang Klyuchevskoy sa Kamchatka peninsula human sa kusog nga linog nga miigo sa Russia niadtong nakalabay nga adlaw.
Sumala sa United Geophysical Service sa Russian Academy of Sciences, ang bulkan nagsugod sa pagbuga ug abo ug lava sa daghang oras human sa linog.
Nahimutang ang maong bulkan mga 450 kilometros sa amihanan sa Petropavlovsk-Kamchatsky. Samtang ang Klyuchevskoy volcano usa sa pinakataas nga bulkan sa kalibutan.
Kahinumduman nga usa ka magnitude 8.7 nga linog ang miigo sa rehiyon sa Kamchatka, nga nakadaot sa daghang mga bilding ug nakaangol sa daghang mga residente, apan wala’y gitaho nga namatay sa maong insedente.
Samtang ang maong linog nagpataas sa mga pasidaan sa tsunami sa daghang bahin sa kalibutan.
