𝗡𝗙𝗔 𝗔𝗡𝗗𝗔𝗠 𝗠𝗨𝗧𝗔𝗕𝗔𝗡𝗚 𝗦𝗔 𝗣𝗔𝗚𝗗𝗔𝗞𝗢𝗣 𝗦𝗔 𝗠𝗚𝗔 𝗠𝗔𝗣𝗔𝗛𝗜𝗠𝗨𝗦𝗟𝗔𝗡𝗢𝗡𝗚 𝗥𝗜𝗖𝗘 𝗧𝗥𝗔𝗗𝗘𝗥

Andam ang National Food Authority (NFA) nga makigtambayayong aron masikop ang mga rice trader nga mapahimuslanon sa ilang operasyon sa nasud. Kini ang gipahayag ni NFA Administrator Larry Lacson.

Gipaklaro ni Lacson nga ang hugot nga pahayag ni Presidente Ferdinand Marcos Jr. sa iyang ika-upat nga State of the Nation Address, diin gipahimangnoan ang Department of Agriculture nga likayan ang panamastamas sa mga mag-uuma ug ang manipulasyon sa presyo sa bugas ug humay.

Matod pa ni Lacson, andam ang NFA nga mokolaborar sa DA ug uban pang ahensya sa gobyerno alang sa kampanya batok sa mga mapahimuslang trader.

Kini aron masiguro nga manubag ang mga responsable ug maprotektahan ang kaayohan sa mga Pilipinong mag-uuma.

Gihingusgan sa opisyal nga ang nag-unang tumong sa NFA mao ang pagpanalipod ug pag-atiman sa kahimtang sa mga mag-uuma, kinsa giila nga haligi sa food security sa nasud—sama sa gibug-aton sa mensahe ni Pangulong Marcos.

Source: John flores

Photo:newsinfo.inquirer.net