Nangayo ug Php5 bilyones ang Department of Public Works and Highways (DPWH) alang sa halapad nga dredging ug desilting sa mga suba ug estero sa tuig 2026 aron matubag ang nagpadayong pagbaha sa ubos nga mga dapit sa nasod.
Matod ni DPWH Secretary Manuel Bonoan, ang kakuwang sa igong desilting sulod sa kapin sa 15 ka tuig nakapamenos sa kapasidad sa mga suba sa pagdala sa tubig baha.
Gipasabot ni Bonoan nga dugay na nga gusto sa ahensya nga sugdan ang programa apan wala maaprobahan ang budget sa gikinahanglang mga ekipo.
Aron usab malikayan ang mga pasangil sa pangurakot, nagplano siya nga ang DPWH mismo ang mohimo sa dredging imbes nga kontratahon kini.
Sa pagkakaron, ang DPWH nakakompleto na og 9,800 ka flood control projects sukad niadtong tuig 2022, samtang 5,700 pa ang kasamtangang nagpadayon.
Photo:
