Gipahibalo niadtong Huwebes (Philippine day) sa Canadian Prime Minister Mark Carney nga ang Canada nagplano sa pag-ila sa Estado sa Palestine sa umaabot nga United Nations General Assembly sa Septiyembre, 2025, human sa nagkagrabeng kagutom ug krisis sa Gaza.
Ang desisyon nagsunod sa susamang mga lakang sa France ug Britain, nga parehong nagpahayag sa ilang intensyon nga ilhon ang Palestine kung dili mohunong ang Israel sa pagpakig-away sa Gaza.
Sumala ni Carney, ang nagpadayon nga kagutom ug kadaot sa Gaza giingon nga nagpakita sa hinay-hinay nga pagkawala sa posibilidad sa usa ka independente nga estado alang sa mga Palestinian.
Gisaway usab niya ang gobyerno sa Israel tungod sa pagpasagad sa nagkagrabe nga krisis sa Gaza.
Gibutyag usab ni Carney nga ang desisyon sa Canada gibase sa gisaad nga mga reporma sa Palestinian Authority, lakip ang plano alang sa eleksyon sa 2026 diin ang Hamas dili tugutan nga moapil.
photo:hilltimes.com
