Mokabat sa 25 ka mga pasahero ang gidala sa ospital human ang Delta Air Lines nga flight gikan sa Salt Lake City paingon sa Amsterdam nakasinati og turbulence niadtong Miyerkules (American day).
Ang flight 56, nga adunay 275 ka mga pasahero ug 13 ka tripulante sakay, napugos sa pagtugpa sa Minneapolis-St. Paul International Airport mga alas 8 sa gabii.
Matod sa Delta management, daling miresponde ang mga paramedic ug bombero aron mahatagan og first aid ang mga naangol.
Ang 25 ka mga tawo gidala sa ospital alang sa dugang nga pagsusi ug pagtambal. Ang ubang mga pasahero sa ayroplano anaa na sa luwas nga kahimtang.
Nagpadayon ang imbestigasyon sa insidente, samtang ang airline nihatag og suporta sa mga apektadong pasahero.
Source: John Flores
photo:travelandleisure.com
