Mipakita ug kahanas si Filipino-Canadian tennis star Leylah Fernandez human iyang gipildi ang Russian nga si Anna Kalinskaya sa straight sets, sa final score nga 6 over 1, 6 over 2, aron langkaton ang titulo sa DC Open niadtong Domingo Hulyo 27, 2025 nga duwa.
Ang kadaugan mao ang unang WTA 500 nga titulo ug unang kampiyonato ni Fernandez sukad niadtong 2023. Milungtad ang duwa og kapin sa usa ka oras, diin iyang gidominar ang tibuok torneyo.
Human mapildi ang top seed nga si Jessica Pegula ug kanhing Wimbledon champion Elena Rybakina, si Fernandez nakadaog sa iyang ikaupat nga WTA title sa iyang karera.
Si Fernandez dali sab nga midaog sa unang set sulod sa 30 minutos samtang sa ikaduhang set, dali usab siya nilabaw sa dula ug gitak-opan na gayud ang dula pinaagi sa iyang ikaduhang match point.
Sunod nga makigsangka si Fernandez sa WTA 1000 Canadian Open sa Montreal, diin giingon nga mas lisud ang hagit.
photo:mega-onemega.com
