𝐃𝐄𝐏𝐄𝐃, 𝐍𝐀𝐊𝐈𝐆-𝐀𝐋𝐀𝐘𝐎𝐍 𝐒𝐀 𝐌𝐆𝐀 𝐏𝐑𝐈𝐁𝐀𝐃𝐎𝐍𝐆 𝐒𝐄𝐊𝐓𝐎𝐑 𝐀𝐋𝐀𝐍𝐆 𝐒𝐀 𝐏𝐀𝐆𝐓𝐔𝐊𝐎𝐃 𝐒𝐀 𝐌𝐆𝐀 𝐄𝐒𝐊𝐖𝐄𝐋𝐀𝐇𝐀𝐍

Mihatag sa iyang bug-os nga suporta si Department of Education Secretary Sonny Angara, aron masulbad ang dugay nang kakuwang sa classroom sa nasod pinaagi sa mas aktibong pakigtambayayong sa pribadong sektor ubos sa Public-Private Partnerships (PPP), subay sa ikaupat nga SONA speech sa presidente.

Matod ni Angara nga ang ahensya kasamtangang nakig-alayon sa mga private partners aron mapadali ang pagtukod og bag-ong mga eskwelahan.

Dugang pa niya nga sa miaging tuig, mokabat lang sa 6,000 ka classrooms ang gitukod sa gobyerno matag tuig.

Apan ubos sa PPP model, kapin sa 100,000 ka classroom ang matukod sulod sa lima ngadto sa napulo ka tuig.

Gawas sa imprastraktura, matud usab ni Angara nga kinahanglan ang pagbag-o sa direksyon sa edukasyon aron kini mahiuyon sa mga trabaho nga mugna sa teknolohiya ug Artificial Intelligence (AI).

Lakip sa mga inisyatiba mao ang pagpatuman sa “TechPro” track para sa Senior High School, sa pakigtambayayong sa TESDA, CHED, ug DOLE, aron mahatagan ang mga kabatan-onan og dugang mga oportunidad sa trabaho sama sa graphic design ug electrical work.

photo:philnews.ph