Patay ang tulo ka indibidwal samtang nadamyos ang liboan ka kabalayan tungod sa nagpadayon nga grabeng pagbaha sa sidlakang bahin sa Romania.
Kini ang gikumpirma sa mga opisyal sa maong nasud. Duha sa mga namatay mao ang mga edaran nga babaye, nag-edad og 85 ug 83 anyos.
Gibutyag sa emergency response agency sa Romania nga kapin sa 25 ka mga baryo sa siyam ka probinsya ang grabeng naapektohan sa kusog nga pag-ulan nga misangpot sa lapad nga pagbaha.
Nangaguba ang mga atop sa daghang balay, nangatumba ang dagkong kahoy, ug pugsanong gisirad-an ang pipila sa mga nag-unang mga kalsada.
Sa lungsod sa Brosteni, Suceava, dili maagian ang tanang dalan padulong sa lugar. Kinahanglan pa nga mogamit og excavator ang mga bombero aron makuha ang usa sa mga patayng lawas nga naanod sa usa ka nagbaha nga suba.
Source: John Flores
